Gjatë vizitës zyrtare të kryeministrit Edi Rama në Itali, ku u prit nga homologu i tij Giuseppe Conte, ky i fundit ritheksoi se opozita shqiptare duhet të ulet në tryezën e bisedimeve me qeverinë.
Ndërkaq, Rama tregoi se çfarë i kishte kërkuar kryeministrit Conte në takimin që zhvilluan.
“Ia vlen të shihet edhe situata mbi sigurimet shoqërore për të arritur një dakordësi për njohjen për shqiptarët që jetojnë dhe punojnë në Itali.
Ne do të vazhdojmë në këtë bashkëpunim për të intensifikuar marrëdhëniet. Ne si qeveri shqiptare jemi të vetëdijshëm për rritjen e numrit të qytetarëve italianë që jetojnë në Shqipëri.
Gjatë bisedës me kryeministrin Conte folëm edhe për dhënien prioritet të firmave italiane që operojnë në vendin tonë. Folëm edhe për arbëreshët që jetojnë në Itali, që janë një vlerë e shtuar kulturore e shtetit italian”, tha Rama.
