Ministri në detyrë për Evropën dhe Punët e Jashtme, Gent Cakaj, ka zhvilluar sot një takim me ambasadorin e Izraelit në Shqipëri, Noah Gal Gendler.
Ministri Cakaj bën me dije se ata diskutuan për rëndësinë e njohjes së Republikës së Kosovës nga ana e Izraelit.
“Ky hap madhor nuk i bën drejtësi vetëm historisë, por edhe hap horizonte të reja për zhvillimin e shumë projekteve dobiprurëse mes Republikës së Kosovës dhe Izraelit”, shkruan ministri në Facebook.
Cakaj theksoi se pas njohjes formale, pritet të përmbyllen procedurat e nevojshme për vendosjen e marrëdhënieve diplomatike mes dy vendeve.
“Patjetër, folëm edhe për shtyrjen përpara të disa projekteve të rëndësishme ekonomike e jo vetëm mes Shqipërisë e Izraelit”, shprehet kryediplomati.
