Drejtoria e Përgjithshme Detare në Durrës bën me dije se moti në ditët në vijim do të përkeqësohet. Më konkretisht bëhet fjalë për në datat 20-23 dhjetor. Moti i përkeqësuar do të shtrihet në gjithë bregdetin tonë.
Për të parandaluar çdo situatë të papritur, autoritetet detare kërkojnë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme.
Njoftimi
“Drejtoria e Përgjithshme Detare në Durrës njofton se në datat 20-23 dhjetor, moti do të përkeqësohet. Bregdeti ynë do të përfshihet nga era me drejtim jug me shpejtësi deri në 38 nyje dhe forca e detit do të jetë 7 shkalla bufort.
Moti i përkeqësuar do të shtrihet në gjithë bregdetin tonë. Pritet që deri në mesnatën e ditës së dielë, era dhe deti të kenë të njëjtin intesitet duke përfshirë të gjithë bregdetin shqiptar.
Me qëllim parandalimin e çdo situate të papritur, për shkak të kushteve atmosferike, autoritetet detare kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritjen e gadishmërisë së ekuipazhit në mjetet lundruese”.
