Drejtoria e Përgjithshme e Shërbimeve të Transportit Rrugor ka një njoftim për të gjithë ata persona që janë të interesuar për të marrë lejen e drejtimit ndërkombëtar dhe lejen e qarkullimit ndërkombëtar.
Në njoftimin e publikuar thuhet se dokumentet mund të tërhiqen edhe te zyrat e DRSHTRR Tiranë, pranë Qendrës së Kolaudimit të Mjeteve (ish-Nshraku), përveçse në DRSHTRR Tiranë në Kashar.
“Shërbimi i ri i ofruar edhe në Tiranë, shmang radhët dhe kursen kohën në këto ditë të nxehta. Të interesuarit për të marrë dokumentet e lartpërmendur, duhet të kenë me vete: leje drejtimi kombëtare/leje qarkullimi kombëtar, dokument identifikimi, 1 fotografi për leje drejtimi ndërkombëtare”, thuhet në njoftim e DRSHTRR.
Leja e drejtimit ndërkombëtare dhe leja e qarkullimit ndërkombëtare janë të vlefshme për 3 vite me tarifën 500 lekë.
