Lufta ndaj koronavirusit është shumë e fortë, pavarësisht vendosjes së shumë rregullave dhe masave drastike që kanë marrë qeveritë. Italia është bërë epiqendra e koronavirusit, e ndërsa Spanja ka deri më tani 19.980 persona të prekur nga koronavirusi, mes tyre 1002 viktima.
Çdo 16 minuta humb jetën një person. Madridi është më i prekur, me mbi 3 mijë të shtruar.
Të dhënat u raportuan nga e përditshmja ‘El Pais’, e cila shpjegon se si në bilanc nuk përfshihen personat e vdekur në strukturat e tjera shëndetësore. Sipas ekspertëve, është e pamundur që të llogaritet numri total i të infektuarve.
Ministri i Shëndetësisë spanjolle, Salvador Illa, bëri me dije se qeveria do të vendosë në dispozicion të rajoneve 210 milionë euro, për luftën kundër pandemisë.
Italia ngelet një nga vendet më të prekura, pasi aty numri i personave që kanë humbur jetën ka shkuar në 3.405.
