Një shqiptar i cili menaxhon 11 restorante në Rusi, ka rrëfyer si ka ndikuar lufta. Bëhet fjalë për Rufi Shabanin, i cili është një mastershef dhe menaxher i cili ka fituar dy çmime të para në kampionatin e picave në Bullgari. Ai jeton prej 12 vitesh në Rusi, dhe menaxhon 11 restorante. Prej muajsh lufta ka dhënë shenjat si në ekonomi, por edhe në anën psikologjike të njerëzve.
“Po çmimi i parë ishte për pica romana, ndërsa për çmimin e dytë ishte për pica napoletana. Unë jam nga një fshat nga rrethina e Tetovës, dhe i kam mësuar si të gjithë rinia. Ne jemi tre vëllezër dhe merremi me gatim.
Unë për herë të parë jam larguar nga vendlindja kur i hoqën vizat Maqedonisë, kalova një vit në Gjermani, u ktheva sërish në Maqedoni, më tej shkova në Moskë.
Kishte nevojë pronari për të kontrolluar restorantet, pasi po hapte shumë të tillë. Në fillim kanë qenë shumë të vështira, pasi gjuha ruse është shumë e vështirë, por dalëngadalë mësova.
Situta e luftës ka ndikuar shumë, pasi ka ndikuar në të gjithë Europën. Po rusët nuk e diskutojnë shumë se janë mësuar me luftërat. Njerëzit janë lodhur dhe mundohen gjithë secili të shoh punët e veta”, u shpreh ai.
