Nga qyteti i Sarandës, ku po zhvillon një takim me strukturat e LSI-së, Monika Kryemadhi sqaroi se pse kjo forcë ka ndryshuar vazhdimisht koalicionet. Ajo i mëshoi fort faktit se pa LSI, shqiptarët nuk do të lëviznin të lirë. Falë bashkëpunimit me PD, u arrit dhe kjo gjë. Po kështu, Kryemadhi nuk ka lënë pas edhe akuzat në drejtim të qeverisë, ndërsa theksi sërish është vënë tek kryeministri Rama.
“Kjo LSI-ja njëherë me PS, njëherë me PD”, e kam thënë dhe dua të them për të gjithë se pa LSI, shqiptarët nuk do të lëviznin të lirë. Bashkëpunimi me PD ua dha këtë mundësi. Pa LSI shqiptarët nuk do merrnin dot statusin për vendit kandidat në BE. Klajda Gjosha e beri këtë. Dhe sot qeveria që Rama e ka vetëm për vete, nuk ka më Ministri Integrimi, është shkrirë në atë të Ministrisë së Jashtme”, tha kryetarja e LSI.
