Pak ditë më parë u duk sikur Kina iu rikthye jetës normale, por në fakt shifrat tregojnë krejt të kundërtën. Gjatë 24 orëve të fundit është raportuar një viktimë dhe 89 raste të reja me COVID-19. 86 prej të cilave të importuara dhe tre të brendshme.
Nga frika e përhapjes së një vale të re të pandemisë, ka bërë që autoritetet në Kinë të ndërtojnë një tjetër spital, për të pritur personat e prekur me virusin e ri.
Spitali është ndërtuar në zonën pranë kufirit me Rusinë, nga e cila importohen dhe shumica e rasteve me Covid-19 në Kinë.
Punëtorëve iu janë dashur 6 ditë për të konvertuar një godinë 13-katëshe, në një spital për pacientët me koronavirus që nuk shfaqin simptoma. Spitali i ri është vendosur në Suifenhe, 27 km larg kufirit me Rusinë, dhe ka një kapacitet prej 580 shtretërish.
