Mësohet se një tjetër tërmet ka goditur Zagrebin pasditen e sotme, pas atij të mëngjesit i cili shkaktoi lëndime në njerëz.
Sipas mediave kroate, tërmeti i pasdites u ndje shumë në pothuajse në të gjithë Zagrebin. Për shkak të frikës, shumë njerëz u drejtuan për në bregdet, kryesisht në drejtim të Rjekës.
Kujtojmë se një tërmet me magnitudë 5.3 ballë goditi mëngjesin e sotëm Kroacinë. Lëkundjet u ndjenë më shumë në Zagreb, ku edhe u plagosën 17 persona.
Ndërkohë autoritetet kroate raportojnë se një 15-vjeçare është në gjendje kritike dhe se mjekët po luftojnë për jetën e saj.
