Turqia është tronditur nga një tjetër tërmet i fuqishëm mëngjesin e sotëm. Sipas Anadoly Agency, tërmeti 5,6 ballë u ndje në provincën lindore të Turqisë, në Bingol.
Autoriteti i Menaxhimit të Fatkeqësive dhe Emergjencave (AFAD) tha që tërmeti goditi rrethin e Karliova, në orën 9:51 në mëngjes me kohën lokale.
Ky është tërmeti i dytë që goditi zonën brenda 24 orësh, pasi të paktën një person u vra dhe 18 të tjerë u plagosën të dielën nga tërmeti 5,7 ballë që goditi vendin.
Bingol është i rrethuar nga male dhe liqene të shumta akullnajore dhe kohët e fundit është bërë një destinacion popullor turistik.
