Koronavirusi po bën namin në Shtetet e Bashkuara të Amerikës, ku pothuajse çdo ditë në 2 javët e fundit po shënohen mbi 1 mijë viktima.
Në 24 orët e fundit në SHBA janë regjistruar 1,554 viktima (778 vetëm në New York), ndërsa janë shtuar më shumë se 16 mijë raste të reja infektimi.
SHBA është vendi më i prekur nga koronavirusi në botë, pasi deri më tani ka regjistruar më shumë se 603 mijë raste infektimi dhe mbi 25 mijë viktima (përafërsisht ¼ e vdekjeve në total).
Sipas Worldometer, deri më tani në SHBA janë shëruar 38,144 persona. Ndërsa më shumë se 540 mijë raste janë ende aktive.
33% e rasteve të infektimit ose plot 202,208 raste janë regjistruar vetëm në New York. Ky i fundit është vendi më i prekur në SHBA, duke regjistruar 10,834 viktima.
Vendet tjera më të prekura nga koronavirusi në SHBA janë New Jersey (68,824 raste), Massachusetts (26,867 raste), Michigan (25,635 raste), Pennsylvania (25,345 raste) dhe California (24,421 raste).
Drejtori i Institutit të Sëmundjeve Ngjitëse dhe Infektive në SHBA, Anthony Fauci paralajmëron se SHBA nuk është ende gati për rihapje pasi nuk ka më kapacitet për të kryer testime dhe gjurmim të rasteve.
Rreth 2 milionë njerëz nga e gjithë bota janë prekur nga COVID-19, ndërsa mbi 125 mijë persona kanë humbur jetën.
