Një tjetër deputet i është bashkuar kreut të Partisë Demokratike, Sali Berisha. Kastriot Piroli është larguar nga grupi i Alibeajt, për t’iu bashkuar Berishës.
Mbledhjes së Grupit të demokratëve e thirrur nga Sali Berisha i është bashkuar një tjetër deputet, i cili ishte pjesë e përkrahësve të Lulzim Bashës dhe Enkelejd Alibeajt.
Deputeti i Kurbinit është ulur gjatë mbledhjes së sotme në krah të Xhelal Mziut, ndërkohë që edhe në mbledhjet e shkuara deputetë të tjerë janë larguar nga grupi i Alibeajt.
