E shtunë, 12 Qershor, 2021
27.5 C
Tirana

Një test i vetëm për Covid-19 dhe gripin

A është infeksion bakterial apo viral? Dhe nëse po, çfarë lloj virusi është ai? Deri para pandemisë aktuale, jo të gjithë ishin aq të interesuar sa të mësonin origjinën e simptomave të tilla si ethe, kollë dhe ftohje. Por tani që njohim virusin e Covid-19, kjo pyetje ka fituar një rëndësi të re.

Në SHBA, vend që falë fushatës masive të vaksinimit po sheh daljen graduale nga emergjenca pandemike, kanë nisur të përhapen testet e shpejta që janë të afta të kërkojnë tek mostra e pacientit jo vetëm praninë e mundshme të koronavirusit SARS-CoV-2, por edhe të patogjenëve të tjerë që sulmojnë traktin respirator, duke filluar me viruset e gripit.

Dimrin që sapo lamë pas, masat parandaluese kundër Covid-19 e kanë eliminuar praktikisht sezonin e gripit. Krahasuar me frikën fillestare të një vale të dytë epidemike shoqëruese, një numër rastesh me grip gati afër zeros janë regjistruar në të gjithë botën.

Por rikthimi i ngadaltë në jetën shoqërore normale, i mundësuar nga vaksinat do të favorizojë një kthim të madh të viruseve të frymëmarrjes sezonale, kundër të cilave do të jemi më pak të mbrojtur pasi kemi “kapërcyer disa radhë”.

Për më tepër, megjithëse në një masë të kufizuar dhe me simptoma më pak të rënda, koronavirusi i ri do të vazhdojë të qarkullojë dhe (ndoshta do të bëhet endemik). Dallimi i tij në kohë, do të lejojë dhënien e kujdesit shëndetësor në kohë për pacientët, dhe të ndalojë valët e reja të epidemisë.

Një artikull i fundit i botuar në “The New York Times” flet për disa nga këto teste. “Test quad”, i zhvilluar nga kompania kaliforniane “Cepheid”, dhe i autorizuar nga FDA që në shtatorin e vitit të kaluar, përdor një formë shumë të shpejtë të reaksionit zinxhir të polimerazës (PCR:e njëjta që përdoret në tamponët klasikë dhe të besueshëm ) për të identifikuar një mostër mukusi, materialin gjenetik apo koronavirusin e ri,apo të 3 patogjenët e tjerë, dy lloje të virusit të gripit apo virusin sincitial të frymëmarrjes (RSV, që shkakton bronkit dhe pneumoni sidomos tek fëmijët).

Lexo edhe :   Prej ditës së nesërme, certifikatë digjitale vaksinimi në Gjermani

Disa kompani farmaceutike si “Roche”, kanë marrë autorizimin e përdorimit emergjent të testeve që bëjnë dallimin midis Covid-19, gripeve të tipit A dhe tipit B. Ndërkohë kompanitë tjera, janë specializuar në prodhimin e testeve diagnostikuese për pacientët që kanë një imunitet të brishtë, dhe që janë veçanërisht të ndjeshëm ndaj infeksioneve virale dhe bakteriale.

Kompania franceze “bioMérieux” ka menduar për një test PCR,i cili përveç koronavirusit identifikon praninë e 21 patogjenëve të tjerë, përfshirë viruset dhe bakteret. Në këtë mënyrë rriten shanset e identifikimit të pranisë së shumë infeksioneve, të cilat përndryshe nuk mund të identifikohen:për shembull,një pacient me grip mund të preket njëkohësisht edhe nga infeksioni i pneumokokut.

Lexo edhe :   OBSH: Varianti shumë ngjitës i Covid-19 mund të përhapet gjerësisht në Evropë

Njëkohësisht, po shkohet drejt testeve që identifikojnë antigjenët viralë (d.m.th. proteinat karakteristike të viruseve, të tilla si proteina në formë gozhde SARS-CoV-2), përgjithësisht më të lehtë dhe më të shpejtë për t`u përdorur edhe në ambiente jo-spitalore, siç janë për shembull dhomat e mjekëve të përgjithshëm apo shtëpitë.

Studiuesit në Universitetin e Kalifornisë Santa Cruz kanë zhvilluar një test antigjeni me çip, i aftë të zbulojë me saktësi nga tamponët që aplikohen në hundë proteinat e virusit kovid dhe të gripit A. Testi, i përshkruar në detaje në Procedurat e Akademisë Kombëtare të Shkencave, bazohet në një bio-sensor me optikë të integruar për të analizuar molekulat e vetme virale. Me pak fjalë, është e sigurt se muajt e ardhshëm do të kemi një ide shumë më të qartë rreth qarkullimit të patogjenëve që bllokojnë traktin tonë të frymëmarrjes

Burimi i lajmit: https://www.focus.it/scienza/salute/un-unico-test-per-covid-e-influenza

Përshtatur nga TIRANA TODAY

- Reklama -

Më shumë nga kategoria




Të fundit

Zgjedhje për kreun e ri/ Gjana: Komisionerët e kandidatëve vetëm nga degët e PD

Komiosionerët e çdo kandidati për kryetar në PD duhet të jenë anëtarë të degës përkatëse të PD-së ku do propozohen për këtë proces. Ka...

Asnjë viktimë nga koronavirusi, 12 raste të reja në 24 orët e fundit

Situata epidemiologjike në vendin tonë paraqitet e qëndrueshme. Në 24 orët e fundit, janë regjistruar 12 raste të reja me Covid-19, nga 2.916 testime...

”Shpresoj të mos jetë si Trump”/ Putin flet për Biden para takimit në Gjenevë

Presidenti i Rusisë, Vladimir Putin shpreson se homologu i tij amerikan, Joe Biden, do të jetë më pak impulsiv se paraardhësi i tij, Donald...

Të shtëna me armë në SHBA, 13 të plagosur, autori ende i lirë

Një ngjarje e rëndë ka ndodhur të Teksas të Shteteve të Bashkuara të Amerikës, ku një person ka shtënë me armë duke lënë të...

Përmbyset autoboti me naftë në Elbasan, bllokohet shoferi

Një autobot me karburant është përmbysur mesditën e sotme në aksin rrugor Elbasan-Librazhd, pranë fshatit Xibrakë. Sipas informacioneve paraprake, mësohet se shoferin e ka zëne...