Më herët, me anë të një postimi në Instagram, mamaja e këngëtares të njohur Rita Ora, Vera Ora, i tregoi publikut vilën që kishin në Prishtinë.
Ndonëse e gjithë familja jeton në Londër, sipas Verës, është e rëndësishme që fëmijët në të ardhmen të vizitojnë shtëpinë e tyre që gjendet në Kosovë. Siç duket, ky postim ka marrë vëmendjen e mediave rozë, jo vetëm në vendin tonë, por edhe jashtë.
“The Sun” i ka dedikuar një shkrim, duke përllogaritur madje edhe vlerën e vilës. Vila e bardhë tre katëshe në Prishtinë sipas “The Sun”, është një dhuratë që këngëtarja u’a bëri prindërve të saj.
Mendohet se vlera e saj shkon në 1.5 milionë paund. Përpos të tjerave, ndër rreshta vlerësohet edhe kontributi që këngëtarja ka dhënë për familjen e saj.
“Familja e Rita Orës ka kontribuar në suksesin e saj, prandaj këngëtarja do më shumë se asgjë tjetër t’i kthejë mbrapsht atyre investimin dhe t’i sigurojë një jetë të rehatshme”, thuhet ndër të tjera në artikull.
