Banorët e “Big Brother” janë njoftuar me anë të një zarfi të zi, se aktori Igli Zarka ka lënë shtëpinë për shkaqe shëndetësore.
Ky lajm i ka habitur banorët, ndërsa janë në dilemë nëse aktori do të kthehet sërish në shtëpi, apo rrugëtimi i tij mbaroi këtu.
“Banorë, Vëllai i Madh ka një komunikim zyrtar për ju. Ju informojmë se për arsye shëndetësore, banori Igli Zarka, ka vendosur të lërë në mënyrë të menjëhershme shtëpinë e Big Brother. Gjendja e tij shëndetësore tani është e mirë, por ka nevojë të marrë shërbimin e nevojshëm jashtë shtëpisë”, thuhej në mesazhin e dërguar nga Vëllai i Madh.
Ndërkohë, mësohet se arsyeja e largimit të tij janë bërë problemet me apendesitin, por është e paqartë nëse ai do të rikthehet sërish.
Donaldi është shprehur se në kontratën e tyre shkruhet se në rast problemesh shëndetësore, banorët shoqërohen në spital, për tu rikthyer në shtëpi pasi janë në gjendje të mirë.
