Në redaksinë e “Tirana Today” mëngjesin e sotëm mbërriti një video, ku qartazi duken disa qytetarë që injorojnë rregullat në këtë periudhë pandemie.
Përkatësisht, qytetarët tek një filial i Postës Shqiptare në kryeqytet, nuk ruajnë distancën nga njëri-tjetri dhe për më tepër disa shfaqen edhe pa maskë mbrojtëse.
Për hir të së vërtetës këto pamje i shohim rëndom çdo ditë dhe realisht mbeten shqetësuese!
Kujtojmë se javët e fundit, në vendin tonë është rritur ndjeshëm numri i rasteve të reja me COVID-19 .
Gjithashtu një rritje të madhe ka pasur edhe numri i viktimave.
Neglizhime të tilla nga ana e qytetarëve mund të kushtojnë mjaft shtrenjtë dhe sot më shumë se kurrë ka ardhur koha që ata të zbatojnë rregullat pasi… “me shëndetin nuk luhet”.
