Një marrëveshje globale për parandalimin dhe reagimin ndaj pandemisë, është një hap më afër. Organizata Botërore e Shëndetësisë (OBSH), ka rënë dakord të fillojë negociatat që do t’i hapin rrugën një konvente globale për të “forcuar parandalimin, gatishmërinë dhe reagimin ndaj pandemisë”.
Drejtori i Përgjithshëm i OBSH-së, Tedros Adhanom Ghebreyesus, tha se vendimi i Asamblesë Botërore të Shëndetësisë ishte historik dhe jetik në misionin e tij.
“Unë mirëpres angazhimin tuaj për një proces gjithëpërfshirës, transparent dhe efikas, të udhëhequr nga shtetet anëtare dhe të bazuar në konsensus”, tha Tedros, duke shtuar se miratimi i këtij vendimi është “shkak për festë dhe shkak për shpresë”.
Një organ negociues ndërqeveritar (INB) do të hartojë dhe negociojë një konventë, marrëveshje ose instrument tjetër ndërkombëtar të OBSH-së për parandalimin, gatishmërinë dhe reagimin ndaj pandemisë, shtohet në deklaratë.
INB do të mbajë mbledhjen e parë në mars të vitit të ardhshëm. Ai do të paraqesë rezultatin e tij për shqyrtim nga Asambleja e 77-të Botërore e Shëndetësisë në 2024.
Burimi i lajmit: CNN. Përshtatur nga Tirana Today
