Shtatë drejtorë në Shkodër kanë dhënë ditën e sotme dorëheqjen nga detyra. Ky vendim, vjen vetëm një ditë pas urdhrit të kryeministrit Edi Rama.
Drejtorët që kanë dorëzuar sot dorëheqjen nga posti që mbanin deri më tani janë: Kadri Ymeri (Drejtori i DAR), Mustafa Kraja (Drejtor i Bujqësisë), Luan Heta (Drejtor i HEC në Vaun e Dejës), Agim Dardha (Drejtor i Administratës së Zonave të Mbrojtura), Astrit Beci (Drejtor i Shëndetit Publik) dhe Edmond Emini (Drejtor i Postës Shkodër). Pritet të japë dorëheqjen edhe Ardian Dajti (Drejtor i Spitalit Shkodër).
Lista e drejtorëve të dorëhequr pritet që të zgjerohet. Ndërkohë, një ditë më parë, kryetarja e Këshillit Bashkiak të Shkodrës, Briseda Kadia, theksoi se është urdhëruar dorëheqja e të gjithë drejtorëve, me qëllim për t’u zëvendësuar me njerëz me integritet
