Kreu i PD-së Lulzim Basha ka reaguar së fundmi përmes një postimi në Facebook lidhur me protestën e opozitës që u zhvillua mbrëmjen e kaluar. Basha shpreh publikisht mirënjohjen për të gjithë ata që i janë bashkuar ditën e djeshme protestës.
“Mirënjohje të thellë dhe falënderime nga zemra për të gjithë ata që na janë bashkuar në betejën kombëtare për Shqipërinë si gjithë Evropa. Bashkë do ta largojmë këtë qeverisje antipopullore dhe antikombëtare. Sa më parë, aq më mirë për Shqipërinë! Detyra më e madhe, prioriteti numër një, është t’ju japim shqiptarëve ndryshimin e vërtetë, fundin e tranzicionit, Shqipërinë e lirive, mundësive dhe mirëqenies për të gjithë”, shkruan Basha.
