Ilir Meta dorëzoi dje Presidencën te pasuesi i tij, Kreu i ri i Shtetit, Bajram Begaj. Një ditë pasi u zhvesh nga posti i Presidentit, Ilir Meta ka vijuar me mesazhet e koduara. Teksa ka publikuar një foto me bashkëshorten e tij, Monika Kryemadhi, ai shkruan: Një horizont i ri plot dritë e shpresë!
Duket se partia që themeloi, LSI-ja, është bërë gati për rikthimin e tij pas pesë vitesh. Në kohën që Meta drejtonte Presidencën, LSI-në ia besoi bashkëshortes, Monika Kryemadhit, e cila refuzoi që në fillim që të ushtronte funksionin e Zonjës së Parë. Në daljen e fundit, Meta ka pohuar se pas 24 korrikut, datë kur do të linte dhe detyrën e Kreut të Shtetit, do t’i kthehej politikës.
