Gjendet një automjet i djegur në lagjen Kala të Elbasanit. Mjeti është pa targa dhe dyshohet të jetë djegur qëllimisht. Një ditë më parë, një makinë “BMW” me targa të dyshuara të falsifikuara u gjet e shkrumbuar ne Elbasan.
POLICIA-ELBASAN
Gjithcka u parapri nga nje atentat, per te cilin policia njofton se dyshohet te kete qene ndaj fisit Çapja.
Burimet policore thanë se objektiv i këtij atentati ishte Ardian Çapja. Mësohet se persona ende të paidentifikuar kanë survejuar zonën për disa kohë dhe kanë parë që Ardiani ka qenë shumë pranë lokalit të tij.
Në këtë moment ata kane qëlluar me breshëri për ta vrarë, por pa mundur ta realizonin qëllimin, shkruan “Panorama”.
Ky është atentati i dytë që i bëhet atij brenda pak kohësh, pasi rreth 6 muaj më parë tentuan ta vrisnin me një predhë që nuk shpërtheu. Ardian Capja është vëllai i Sokol Capja, që u ekzekutua në vitin 2005
