Kryeministri Edi Rama ka mbledhur sot në ambientet e Pallatit të Brigadave, ministrat dhe zv.ministrat e kabinetit qeveritar.
Në këtë takim ishin të pranishëm edhe kreu i Grupit Parlamentar, Taulant Balla bashkë me kryeparlamentarin Gramoz Ruçi. Kjo mbledhje vjen një ditë pas Asamblesë Kombëtare të Partisë Socialiste e cila kaloi në skaner procesin zgjedhor të 30 qershorit, që sipas tij arriti kulmin e përplasjeve politike në vend.
Nga Asambleja, Rama i paralajmëroi të gjithë të zbresin në bazë e të komunikojnë me njerëzit. Në të kundërt ai deklaroi prerë se ata nuk do jenë pjesë e planeve të PS-së për 2021, duke shprehur kështu vendosmërinë për të çuar deri në fund mandatin e tij qeverisës.
