Tiranë-Një 50-vjeçar me probleme mendore ka dhunuar 3 femra mbrëmjen e sotme te kryqëzimi i “Komunës së Parisit”. Sipas burimeve të policisë, pasi ushtroi dhunë ndaj tre grave, të cilat ai i ka qëlluar me sende të forta rrethanore, ai është mbyllur në një banesë në rrugën “Mihal Popi”.
Pavarësisht thirrjeve të policisë për të hapur derën, ai nuk i është bindur urdhrit të bluve, ndërsa këta të fundit kanë hyrë më pas forcërisht, pas urdhrit të prokurorit për shkak të rrezikshmërisë shoqërore të 50-vjeçarit. Ai është shoqëruar në komisariat ku po merret në pyetje. Tre gratë e dhunuara janë jashtë rrezikut për jetën.
