Paralelisht me Tiranën, sot pritet që të mbahen protesta në shumë qytete të vendit, për rritjen e çmimeve.
I pari qytet që ka nisur protestën ka qenë Lezha. Në këtë qark, tubimi është zhvendosur në kryqëzimin e Zejmenit.
Protestuesit kanë bllokuar rrugën Lezhë-Shkodër në orën 10:00, ndërsa protesta pritet të zgjasë për rreth një orë.
Ata kanë dalë në mes të rrugës, duke mos lejuar qarkullimin e automjeteve. Në zonë ka shkuar edhe policia, për monitorimin e situatës.
