Kanë nisur negociatat për kthimin e të gjithëve fëmijëve shqiptarë që ndodhen në kampin Al-Houl në Siri. Lajmi konfirmohet për “Abc News” nga Konsulli i Nderit i Përgjithshëm i Republikës së Shqipërisë në Liban, Mark Ghraib.
Pas suksesit në rikthimin e shqiptarit, Alvin Berisha nga kampi Al-Houl në Siri, Mark Ghraib ka marrë autorizimin zyrtar nga autoritetet shqiptare, dhe ka nisur negociatat me personat e interesuar për të tërhequr qytetarët shqiptarë të cilët janë në kampin Al-Houl.
Operacioni i shpëtimit do të kryhet për të gjithë fëmijët e të mitur nga mosha 16 vjeç e poshtë.
Gjatë vitit 2012-2014, brenda territorit sirianë janë futur 31 fëmijë shqiptarë bashkë me prindërit e tyre, ndërkohë që 20 të tjerë kanë lindur në Siri nga prindër shqiptarë./abcnews.al
