Bota

Nisi para 105 vitesh për shkak të një serbi, ç’duhet të dini për Luftën e Parë Botërore


               Publikuar në : 13:58 - 08/08/19 Enno

Lufta e Parë Botërore nisi më 28 korrik 1914, kur Austria i shpalli luftë Serbisë. Një muaj më parë serbi Gavrilo Princip, vrau në Sarajevë Arkidukën Franz Ferdinand.

Ajo zgjati 4 vjet, 3 muaj dhe 14 ditë, gjatë të cilave u vranë 9 milionë ushtarë, dhe 7 milionë civilë. Ajo luftë përfshiu në total 135 vende, dhe në të u mobilizuan mbi 70 milionë burra. Pjesa më e madhe e luftës, u zhvillua në llogore.

Një grup minatorësh francezë, gërmuan në një rast disa tunele nëntokësore. Ata shpërthyen në të njëjtën kohë mbi 900.000 kg eksploziv, duke e shkatërruar frontin gjerman. Shpërthimi ishte aq i forte, sa u dëgjua nga kryeministri britanik David George në selinë e tij në Londër, mbi 225 km larg.

Në atë luftë, u përdorën për herë të parë armë të reja. Ato kimike nga gjermanët, dhe tanku nga britanikët. Mbi 12 milionë letra, dërgoheshin çdo javë në vijën e frontit.

Deri në fund të luftës u dërguan mbi 2 miliardë letra dhe 114 milionë pako.

Gjatë Luftës së Parë, u shpik edhe kirurgjia plastike nga kirurgu Harold Gillies. Ai ndihmonte ushtarët e plagosur rëndë nga shrapneli në fytyrë.

Në atë luftë, morën pjesë mbi 250.000 ushtarë të mitur. Më i riu ishte britaniku Sidney Lewis, vetëm 12 vjeç, por që kishte gënjyer mbi moshën e tij./ Tirana Today

Kthehu
WhatsApp Denonco ne TT