Partia Demokratike akuzon Bashkinë e Tiranës se ka shpallur tenderin për hartimin e zonës së planifikuar tek Garda e Republikës, për betonizimin e Parkut të Liqenit.
Përmes një postimi në Facebook, zëdhënësja e PD-së, Ina Zhupa shprehet se punimet në zonë janë justifikuar me pretekstin se aty do transferohej Biblioteka Kombëtare edhe Qendra Kulturore për fëmijë.
Por sipas Zhupës, zona në fjalë është planifikuar për shërbime, zyra, parkim, banim etj. Ajo shton më tej se Veliaj ka zgjedhur firmën e 51N4E, e njohur si vendi i punës së Rea Xhillarit, vajzës së familjes Rama.
Postimi i plotë:
Veliaj nis fazën e parë e BETONIZIMIT të zonës së PARKUT TE LIQENIT, me ndertesa mbi 9 kate e 29 metra lartesi! Zgjedh firmen e 51N4E, e njohur si vendi i punës së Rea Xhillarit, vajzës së familjes Rama.
E kemi paralajmeruar dhe faktuar me dokumenta që në 2018, betonizimin e zonës së parkut te Liqenit, atje ku ndodhet garda e republikës, me preteksin që aty do transferohej Biblioteka Kombetare edhe Qëndra Kulturore për femijë për të hapur rrugën e ndërtimeve shumëkatëshe. Ateherë Veliaj e mohoi, edhe si në cdo rast tjetër thjesht mashtroi.
Bashkia Tiranë ka shpallur fituesin e tenderit për “Hartimin e Planit të Detajuar Vendor të Njësisë TR/169” që është zona ku ndodhet Garda e Republikës pranë parkut të liqenit , fituese ka rezultuar kompania “I Ri “ sh.p.k. Por ky është vetem emri që nga mbrapa ka zotëruese kompaninë “51N4E” sic tregojnë dokumentat dhe Gent Agollin, ish konsulentin e “Sheshit Skenderbej”, pra klientet e zakonshëm të pushtetit.
Zona e propagandua nga Veliaj se do i kthehej parkut të liqenit por nderkohë është planifikuar për shërbime, zyra, parkim, banim, ku kullat e klienteve të zakonshem do zaptojnë edhe këtë territor në hyrje të parkut.
Ky plan i Veliajt dëmton akoma më shumë qytetarët e Tiranës, ku çdo cep po betonizohet edhe hapësira e vetme e gjelbër si parku po kafshohet me kulla nga te gjitha anët e saj.
