Presidenti, ende në detyrë, i Republikës, Bujar Nishani, i ka bërë sot thirrje opozitës që të ulet në një tryezë për bisedime, për t’u arritur konsensusi dhe vendi të dalë nga kriza.
“Presidenti i Republikës, Bujar Nishani, po ndjek me shumë shqetësim përmasat që po merr kriza politike në vend. Ndaj edhe njëherë i kërkon Kryeministrit të vendit dhe Liderit të Opozitës të ulen në tryezën e bisedimeve me vullnetin për kompromis, për të tejkaluar këtë situatë të vështirë për vendin. Presidenti Nishani ofron të gjithë gatishmërinë dhe angazhimin e tij institucional në shërbim të këtij dialogu”, citohet në mesazhin e Nishanit.
I menjëhershëm ka qenë reagimi i kryeministrit Rama në Twitter. Rama për të gjithë ndjekësit e tij në këtë rrjetë social shkruan, “Z.President! Edhe unë jam i shqetësuar për përmasat që po merr kriza e PD! Jam gati t’i përgjigjem thirrjes suaj kaq të vonuar e të ulem me LB.”
