Kryetari i Këshillit Kombëtar të Partisë Demokratike, Bujar Nishani, ka hedhur akuza ndaj kryedemokratit Lulzim Basha, në lidhje me procesin e zgjedhjeve brenda selisë blu.
I ftuar në ”Vizion Plus”, Nishani u shpreh se Basha gënjeu kur njoftoi se Këshilli Kombëtar e ka votuar unanimisht datën e zgejdhjeve të 13 qershorit.
Sipas Nishanit, Këshilli Kombëtar nuk u lejua nga Basha dhe sekretari Gazment Bardhi, pasi ata thanë se vendimi i takonte vetëm Kryesisë së PD.
Bujar Nishani: “Lulzim Basha gënjën edhe veten e tij kur nuk ka kë të gënjejë tjetër. Njoftoi se Këshilli Kombëtar e ka votuar unanimisht datën e zgjedhjeve, por kjo nuk është e vërtetë. Këshilli nuk e ka votuar fare sepse Basha dhe Gazment Bardhi thanë se ky vendim nuk i përket Këshillit, por Kryesisë. Por edhe Kryesia nuk e votoi unanimisht, pasi Tomorr Alizoti abstenoi, ndërsa Oerd Bylykbashi dhe Enkelejd Alibeaj thanë se aajo datë nuk ishte e drejtë”.
