Ka nisur në Rusi takimi mes kryeministrit Rama dhe ministrit të Jashtëm, Sergey Lavrov.
Ky takim historik zhvillohet në kuadër të presidencës shqiptare të OSBE. Kreu i qeverisë shqiptare është shoqëruar edhe nga ambasadori i Shqipërisë në Moskë.
Takimi parashikohet të zgjasë rreth 45 minuta, ndërsa fokusi do të jetë mbi situatën e nxehtë në Ukrainë.
“Ne jetojmë në kohë me turbulenca, dhe sa i përket sigurisë, ajo është e brishtë në këtë rajon dhe njerëzit janë duke vuajtur dhe detyra jonë është që të shkojmë para përmes dialogut.
Ajo që dua të theksoj është se OSBE u krijua 45 vite me parë dhe principet e saj janë paqja dhe siguria. Rusia është një fuqi e përfshirë në shumë çështje e negocime, shpresoj që do të kontribuoj në çështjet e sigurisë. Kam mbetur i shokuar nga ato që pashë, vuajtjet e njerëzve atje. Në të gjithë atë zonë njerëzit vuanin dhe ishin në kufijtë e mbijetesës”, tha Rama gjatë fjalës së tij.
