Sikundër ishte njoftuar, në orën 10:00 ka nisur në Gjykatën Kushtetuese seanca për kërkesën e Parlamentit për shkarkimin e presidentit Ilir Meta. Kreu i Shtetit nuk është i pranishëm, por përfaqësohet nga Këshilltari i tij Ligjor, Bledar Dervishaj dhe Katrina Treska, drejtoreshë e Përgjithshme e Shërbimeve Juridike në Presidencë.
Dervishaj: Kemi paraqitur fakte, disa gjyqtarë duhet të dorëhiqen
Këshilltari Ligjor i presidentit Ilir Meta, Bledar Dervishaj, në seancën në Gjykatën Kushtetuese thotë se anëtarët e Gjykatës Kushtetuese kanë konflikt interesi në shqyrtimin e kësaj çështje. Ai thotë se ata duhet të dorëhiqen.
“Kërkojmë secili prej gjyqtarëve të Gjykatës Kushtetuese të vlerësojë shkaqet për çështjen dhe palët në këtë gjykim për t’u shprehur me vendim, nëse secili prej këtyre gjyqtarëve të dorëhiqet. Në trupën aktuale, ka shkaqe të cilët duhet të dorëhiqen.
Për disa gjyqtar kemi zbuluar shkaqe për dorëheqje ditën e djeshme.
Këto shkaqe janë:
Ka çështje si zgjedhjet
Teatri
Gjykata ka 7 anëtar, 6 janë zgjedhur nga Kuvendi e Presidenca që janë në konflikt. Anëtari i 7 ka kaluar mandat prej 9 vitesh, rasti i zonjës Vitore Tusha. Nuk mund të mos përmendim se kjo mazhorancë që ka bllokuar KED në 2017-2018 për të boshatisur Gjykatën Kushtetuese dhe nga ana tjetër zgjatjen e mandatit të Vitore Tushës. Gjyqtari po arrin gjysmë e mandatit të gjyqtarit që do të vij pas tij. Një tjetër shkak është fakti se Meta pasi Vitore Tusha ka kërkuar të kandidoj për kreun e KLSH, e ka propozuar për më të mirën në krye të KLSH. Ndërsa presidenti ka refuzuar të emërojë Tushen në KLSH. Dhe e ka akuzuar Metën se ka dashur të bllokojë Kushtetuesen në atë kohë. Por e vërteta është ndryshe, ishte mazhoranca që e bllokoi. Gjykata Kushtetese ka marrë një letër nga Presidenti lidhur me procedimin disiplinor ndaj Fiona Papajorgjin. Letra është e arsyetuar. Ka fakte për shkelje të përsëritur të ligjit. Përfshijnë Fiona Papajorgjin dhe Vitore Tushën”, ka thënë ai.
