Puna vazhdon me intensitet të lartë për ndërtimin në kohë të Arenës Kombëtare. FSHF ka publikuar fotot nga punimet në impiantin më të ri të futbollit shqiptar. Pas përfundimit të një pjese të madhe të punimeve në tribunat e stadiumit, dhe në pjesët e brendshme të tij, ditët e fundit ka nisur puna edhe në fushën e stadiumit.
Tashmë ka nisur dranazhimi i terrenit, dhe më pas do të vijojnë me radhë proceset e tjera, për të instaluar fushën e blerë që “Arena Kombëtare” do të mirëpresë në të.
Për momentin, data 11 qershor është caktuar si dita kur do të vijë edhe inaugurimi i këtij impianti modern, pikërisht për ndeshjen ndaj Moldavisë në kuadër të eliminatoreve të Europianit.
Por gjithsesi, duhet parë ecuria e punimeve gjatë muajit të fundit, që të dilet në një përfundim më konkret, nëse do arrihet kjo datë apo jo.
