Ditën e sotme, qeveria vendosi që të mbyllë klubet e natës, diskot, lounge baret si dhe çdo lloj shërbimi të kësaj natyre.
Mosrespektimi i këtij detyrimi nga subjektet, dënohet me gjobë 3 000 000 lekë dhe me pezullim të aktivitetit për një periudhë një vjeçare.
Ndërkohë artistët dhe pronaret e bareve sapo kanë nisur protestën përpara kryeministrisë.
Raportohet se ka përplasje mes protestuesve dhe policisë.
Kjo e fundit kërkon vazhdimisht shpërndarjen e turmës.
Rikujtojmë se edhe muzika ndalohet pas orës 20:00 në të gjithë mjediset e shërbimeve të çfarëdolloji.
Mosrespektimi i këtij detyrimi nga subjektet, dënohet me gjobë 1 000 000 lekë dhe në rast përsëritje, me pezullim të aktivitetit për një periudhë gjashtë mujore.
