Partia Socialiste ka nisur mëngjesin e sotëm një proces votimi për zgjedhjen e delegatëve të Kongresit.
Mësohet se ky proces ka nisur në orën 8:00 dhe pritet të përfundojë në orën 16:00 dhe do të zhvillohet sipas parimit një anëtar një votë.
Sekretari për Marrëdhëniet me Shoqërinë Civile dhe Mediat në Partinë Socialiste, Alfred Peza u shpreh gjatë këtij procesi do të testohet për herë të parë votimi elektronik dhe online. Ai shtoi se janë 103,056 anëtarë të PS në gjithë vendin që do të zgjedhin mes 1,496 kandidaturave për 706 delegatët e Kongresit.
“Materialet zgjedhore janë shpërndarë në të gjithë vendin, ndërsa në Tiranë do të ketë votim elektronik”, deklaroi Peza.
