Kreu i LZHK-së, Dashamir Shehi, ka dalë hapur kundër planit me 14 pika të kreut të shtetit, Ilir Meta, për zgjidhjen e krizës. Në emisionin “5 pyetje nga Babaramo”, Shehi u shpreh se shumë prej pikave të propozuara nga Meta, janë të pazbatueshme nga opozita, sepse tashmë me daljen nga Parlamenti, ato nuk ka asnjë funksion. Ai tha se nuk ngrihen institucione me këshilla, dhe se nuk shikon marrëveshje në tryezë. Shehi propozoi për t’iu rikthyer institucioneve me funksionin e plotë.
“Përtej dëshirës së mirë të presidentit, ka gjëra që janë të pazbatueshme. Ato 14 pika vijnë si Bundestangu gjerman. Rrotacion është lëvizje rrethore në një rrafsh të vetëm, ndërsa në gjykojmë që situata në Shqipëri ka një nevojë për përmbysje vertikale.
Mundet që ne të mbërrijmë vetëm të rrotacioni, ndoshta edhe këtu nuk arrijmë fare. Ne jemi të angazhuar dhe e kemi detyrim që të merremi me çështjen zgjedhore, pikat e tjera nuk janë temë e jona, por detyrime qeveritare që ia ka vënë komuniteti gjerman, për të cilat ne kemi dalë jashtë loje, si drejtësia, se ne jemi jashtë politikës.
Këshilli Politik? I pamundur. Jemi jashtë Parlamentit. Rindërtimi i politikës nëpërmjet marrëveshjes, mua nuk më pëlqen se detyrimi kryesor i opozitës është të shkojë në Parlament dhe nga ky institucion bëhet një politikë legjitime.
Nuk ngrihen institucione me këshilla, se do u’a delegojmë të gjitha zgjedhjeve marrëveshjeve. Nuk shikoj marrëveshje nën tryezë, por amerikanët dinë më shumë. Unë dua që t’i rikthehemi institucioneve me funksionin e plotë, nëse do e arnojmë shtetin shqiptar me marrëveshje, nuk kanë qenë jetëgjata dhe të shëndetshme.
Ato 14 pika nuk mbyllen për 6-7 muaj, është gjysma e shtetit shqiptar. Jo tryeza politike, sic thotë presidenti, nuk ecet kështu përpara. Përtej dëshirës së mirë që ka Meta për të gjetur një zgjidhje sa më të lëmuar, por kjo nuk është rruga për të ndërtuar shtet, se prodhon dyshime siç ndodhi me SHBA-në, aleatin tonë më të madh”, tha Shehi.
