Si rrallë herë, inspektorët tatimorë të Bashkisë se Sarandës nuk janë paraqitur tek bizneset me blloqe kontrollesh dhe gjoba në dorë, por të pajisur me teknologji dixhitale.
Kjo mënyrë inspektimi, ngushton hapësirat për korrupsion. Të dhënat e çdo kontrolli të ushtruar hidhen në sistem dhe aktet online i jepen edhe të printuara subjektit, që t’i japin mundesinë e apelimit.
Dy inspektorë tatimorë, të pajisur me autorizimin e Bashkisë dhe tabletin e kitet përkatëse, kanë realizuar inspektimin e parë online të një subjekti që ushtron aktivitet ekonomik në Lagjen Nr. 2., në Sarandë.
Gjatë prezantimit të mënyrës dixhitale të inspektimit, që përfaqëson një qasje të re në marrëdhënien me biznesin, Kryeinspektori i Përgjithshëm i Inspektoriatit Qëndror, Shkëlqim Hajdari, ka deklaruar se nuk synohet penalizimi i bizneseve, por formalizimi i tyre.
Inspektimi online i bizneseve i shërben formalizimit, sidomos bizneseve të ndodhura në vështirësi.
