Policia e Tiranës ka reaguar lidhur me ngjarjen e ndodhur 3 ditë më parë në ambientet e QSUT, ku një djalë i ri dhunonte një grua.
Duke iu referuar njoftimit, policia thotë se ngjarja në fjalë ka ndodhur në datë 31.07.2019, rreth orës 07:30 minuta. Ndërsa bën me dije se ka pezulluar nga detyra edhe efektiven e policisë, e cila nuk ndërhynte kur ky person dhunonte gruan.
Po ashtu, deklarohet se shërbimet policore kanë shoqëruar në Komisariat Ramazan Rraja, 26 vjeç, nipi i deputetit socialist Rrahman Rraja, dhe e kanë proceduar penalisht.
https://www.facebook.com/joqalbania/videos/510730716348126/?t=3
Njoftimi i Policisë së Tiranës:
Lidhur me videon e publikuar në mediat sociale, ku një i ri shfaqet me pamje duke dhunuar një femër në oborrin e spitalit “Nënë Tereza”, Tiranë, në interes të opinionit publik informojmë se:
Ngjarja në fjalë ka ndodhur në datë 31.07.2019, rreth orës 07:30 minuta.
Shërbimet policore kanë shoqëruar në Komisariat shtetasin R.Rr. 26 vjeç dhe e kanë proceduar penalisht. Materialet në ngarkim të këtij shtetasi janë referuar në Prokurori për veprime të mëtejshme.
Gjithashtu, Drejtoria e Standardeve Profesionale në Policinë e Shtetit, pas pezullimit nga detyra të punonjëses së Policisë që ishte pranë vendit të ngjarjes, ka nisur verifikimet për veprimet apo mos veprimet e saj.
