Gjykata e Krimeve të Rënda ka thirrur ish-ministrin e Brendshëm, Saimir Tahirin ku do të njihet me vendimin për bllokimin e pasaportës së tij.
“Saimir Tahiri, është thirrur me anë të një ftesë nga gjykata dhe pritet që ditën e nesërme, të paraqitet pranë Gjykatës rreth orës 09:30 minuta”-shkruan Shqiptarja.com.
Ish-ministri i Brendshëm, Tahiri do të jetë i shoqëruar nga avokati i tij, Maks Haxhia. Disa ditë më parë gjykata i ka bllokuar Tahirit pasaportën dhe ka urdhëruar të mos largohet nga vendi. Pas këtij vendimi nga organi gjykues, avokati Haxhia ka dorëzuar pasaportën e klientit të tij në Gjykatën e Krimeve të Rënda. Tahiri do të paraqitet para gjyqtares Juliana Bako, tek Krimet e Rënda.
Bllokimi i pasaportës së Tahirit, është bërë për shkak të frikës së largimit të tij nga vend pasi është në proces hetimi për dosjen e “Habilajve”. Ditë më parë ai u largua në Gjermani me pretendimin se ishte për të vizituar babanë e tij dhe nuk kishte asnjë qëllim tjetër për t’u larguar nga vendi, por kjo sipas tij, ka lidhje me probleme familjare dhe asgjë më shumë.
Aktualisht ish-ministrin Tahiri është në proces hetimi nga organi i akuzës në Shqipëri, pasi dyshohet se mund të jetë i përfshirë në veprën e trafikimit ndërkombëtar të lëndëve narkotike.
Por në lidhje me dokumentin e pafajësisë së Tahirit, ka aludime të reja, pasi mendohet se ai mund të ketë falsifikuar dokumentet e pafajësisë së tij.Prokuroria e Katanias në Itali, aktualisht është në proces hetimi për ministrin Saimir Tahiri, por ende nuk është faktuar zyrtarisht si fajtor, por gjithçka mbetet ende e papërfunduar.
Në emisionin “Top Story”, avokati i tij, Maks Haxhia ka komentuar letrën të cilën e ka siguruar klienti i tij në Katania. Ai tha se letra që kemi në dispozicion nuk ka asnjë vlerë juridike, pasi e kemi tërhequr nga sekretaria dhe jo nga drejtuesit qendror të organi të akuzës. Dita e nesërme pritet të ketë informacione të tjera në lidhje me Tahirin, pasi ai do të paraqitet tek organi i akuzës gjatë paradites.
