Kuvendi ka votuar Komisionin e Posaçëm për zgjedhjen e anëtarëve të KQZ-së. Parlamenti votoi këtë Komision me 95 vota pro, 5 kundër dhe 3 abstenim.
Kryetari i këtij Komisioni do të jetë Damian Gjiknuri, ndërsa anëtarët e tjerë nga Partia Socialiste janë Adnor Shameti dhe Alket Hyseni.
Përbërja e Komisionit të Posaçëm Parlamentar për shqyrtimin dhe përzgjedhjen e kandidaturave është si më poshtë:
a) Nga grupi parlamentar i shumicës parlamentare caktohen:
Damian Gjiknuri Kryetar (Grupi parlamentar i Partisë Socialiste)
Alket Hyseni Anëtar (Grupi parlamentar i Partisë Socialiste)
Adnor Shameti Anëtar (Grupi parlamentar i Partisë Socialiste)
b) Nga grupet parlamentare të pakicës parlamentare caktohen:
Myslim Murrizi Anëtar (Grupi parlamentar “Demokrat”)
Edmond Stojku Anëtar (Grupi parlamentar “Demokraci dhe Drejtësi”)
