Kreu i grupit parlamentar të PS-së,Taulant Balla, në fjalën e tij të mbajtur në Kuvend u shpreh shkurtimisht në lidhje me ngritjen e komisionit hetimor.
Balla u bëri thirrje të gjithë deputetëve të pranishëm në seancën e posaçme që të votonin me konsensus ngritjen e këtij komisioni për hetimin e Presidentit Meta. Ai kërkoi nga ky komision që brenda 3 muajve të përmbushë detyrën e vet dhe në transparencë të plotë me publikun.
“Nuk ka shumë për të diskutuar më sot në këtë seancë por si kryetar i grupit të shumicës dhe si një prej firmëtarëve të kërkesës, e cila në 28 vite të këtij kuvendi është hera e parë që Kuvendi i Shqipërisë ngre një komision hetimor për ligjshmërinë e veprimeve të kryetarit të shtetit,që shkojnë në kushtet e shkeljes së rëndë të kushtetutës.
Do t’i kërkoja të gjithë deputetëve ta ngremë me konsensus të plotë, t’i kërkojmë këtij komisionit hetimor të përmbushë detyrën e vet brenda 3 muajve e me transparencë për publikun me qëllim që përfundimet e këtij komisioni të përmbushin pritshmëritë, por i takon komisionit që të qartësoje këtë situatë. Të gjithë e pranojmë, edhe nga fjalimet këtu në sallë, jemi në kushtet e një shkeljeje të rëndë të kushtetutës. “ deklaroi Balla.