Avokati Spartak Ngjela akuzon Ramën se ka për qëllim të shpopullojë Shqipërinë, përmes varfërisë së imponuar, dhe sipas tij, kjo është akuza që do ngrihet ndaj kryeministrit.
Ky reagim vjen në vazhdën e protestave të pedagogëve, ku Ngjela thekson se Rama ka “armiqësi” me pagat e larta.
Sot pedagogët po mbajnë protestën kombëtare. Kjo është dita e katërt që ata bojkotojnë mësimin, pasi kërkojnë plotësimin e kushteve të tyre, kryesore është rritja e pagave.
Gjatë protestës, Sandër Kovaçi, kreu i sindikatës së pedagogëve u shpreh se me këtë lloj nënvlerësimi, universitetet do të bien gjithnjë e më poshtë dhe studentët shqiptarë nuk do të kërkojnë më të vijnë në auditore.
Pedagogët kërkojnë rritje të pagës në masën 50% brenda dy viteve, dhe investime në arsimin e lartë. Kërkesat e tyre për një rritje të tillë pagash janë konsideruar të paarsyeshme nga qeveria.
