Avokati Spartak Ngjela, i ftuar në një emision ‘Real story’, tha se politika në Shqipëri është e kapur pas krimit të organizuar dhe nuk ka zgjedhje të lira e të ndershme.
Ngjela tha se në vend 4 krerët e mëdhenj politik mbajnë krimin e organizuar dhe SPAK duhet t’i eleminojë për të patur zgjedhje në nivelin e Kosovës.
Ndërsa komentoi zgjedhjet në Kosovë dhe i krahasoi ato me situatën politike në Shqipëri, Ngjela tha se krimi i organizuar në Shqipëri është i madh dhe në nuk kemi forcë për ta përmbysur atë.
“Demokraci nuk do të thotë program, por votë e lirë. Pyetja është kjo, a kanë votuar të lirë shqiptarët? Vetëm në vitin 1992 po, sepse vinim nga komunizmi. Në Kosovë katër individët, me Thaçin në krye, për marrjet me forcë në zgjedhje ikën. Nuk i hoqën shqiptarët, ata të heqin me vota. Në Shqipëri nuk ka zgjedhje të lira. Të ikin katër krerët e mëdhenj që mbajnë krimin e organizuar në Shqipëri dhe do e shihni si dalin zgjedhjet. Nëse SPAK eliminon krerët e mëdhenj të lidhur me krimin e organizuar.
Nuk ka në Shqipëri konkurrencë në treg, ka klientelë të qeverive. Krim do të thotë të shkelësh ligjin. Ne kemi pasur shpresë të madhe tek SPAK-u. Ajo po tregohet më e matur sepse krimi organizues këtu është më i madh. Pra problemi qëndron se ne nuk kemi forcë sepse na ka marrë përsipër Amerika dhe Gjermania. Gjykata Speciale që po bën SPAK-un të na eliminojnë korrupsionin”, tha Ngjela.
