Një pjesëtar i Forcave të Sigurisë së Kosovës i ka dhënë fund jetës në lagjen “Arbëria” në Prishtinë. Policia e Kosovës ka njoftuar se ngjarja e rëndë ka ndodhur rreth orës 16:00, ndërsa ka humbur jetën 47-vjeçari Gyner Murati. Lidhur me këtë ngjarje të rëndë, kanë nisur hetimet.
“Ekipi mjekësor ka konstatuar vdekjen e personit mashkull 47 vjeç. Njësitë e nevojshme policore janë në vendngjarje dhe kanë nisur një hetim për rrethanat qe karakterizojnë ngjarjen”, thuhet në njoftimin e policisë.
Rastin e ka konfirmuar edhe zëdhënësi i FSK-së, Ibrahim Shala, i cili thotë se personi që i ka dhënë fund jetës është oficeri i FSK-së, kolonel Gyner Murati.
“Rasti tragjik ka ndodhur ku oficeri i FSK-së kolonel Gyner Murati ka bërë vetëvrasje. Policia e Kosovës dhe e FSK-së është janë duke u marrë me rastin”, ka thënë Shala.
