Nuk janë të paktat rastet kur bluzat e bardha janë dhunuar nga qytetarët, të cilët të tensionuar për familjarët e tyre, kanë reaguar në formë agresive. Policia e Fierit raporton për një tjetër rast, ku një 32-vjeçar ka goditur mjekun, i cili ndodhej në krye të detyrës.
Uniformat blu arrestuan në flagrancë shtetasin me inicialet A. K., 32 vjeç, banues në Fier. Në Spitalin Rajonal Fier, në pavionin e patologjisë, ka ushtruar dhunë fizike gjatë ushtrimit të detyrës ndaj mjekut me inicialet E. H., 38 vjeç.
Njoftimi nga policia
Fier
Goditi mjekun për shkak të detyrës, vihet në pranga 32-vjeçari.
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin A. K., 32 vjeç, banues në Fier, pasi në Spitalin Rajonal Fier, në pavionin e patologjisë, ka ushtruar dhunë fizike gjatë ushtrimit të detyrës, ndaj mjekut shtetasit E. H., 38 vjeç.
Materialet i kaluan Prokurorisë pranë Gjykatës së Shkallës së Parë Fier për veprën penale “Goditje për shkak të detyrës”.
