Ngjarja e rëndë që përfundoi me një viktimë dhe një të plagosur në Kavajë, tërhoqi vëmendjen mediatike.
Gjyshi i Marsida Qatjas, në banesën e të cilës u vra ish-i dashuri i saj dhe u plagos shefi i sigurisë së burgjeve në Durrës, u shpreh se lajmin e papritur e mësoi këtë mëngjes nga mediat.
“E morëm vesh në media. Ishte e papritur. Nuk më ka thënë asnjëherë gjë se mund të kishte pasur konflikt. Nëse do ma thoshte do i dilnim të keqes përpara. Ajo jetonte vetëm. Ka fëmijët e burrit të parë dhe ka një djalë me burrin e dytë. Ai është në Gjermani. Mund të ketë pasur por mund të ma ketë fshehur për të mos krijuar polemika. Është fëmija im. Mezi është rritur”, deklaroi i moshuari.
Për mediat ka folur edhe halla e 30-vjeçares, e cila pohon se nuk ka qenë në dijen se ajo ka pasur një lidhje jashtëmartesore me Dritan Haxhollin, i cili mbeti i vrarë.
Ajo tregon për “News24” se Marsida ishte martuar që 14 vjeçe me burrin e parë, lidhje nga e cila erdhën në jetë dy fëmijë. Më pas, me burrin e dytë 30-vjeçarja solli në jetë një djalë, që tani është 2 vjeç.
“Marsida është martuar 14 vjeçe, me burrin e parë ka 2 fëmijë, ndërsa me burrin e dytë ka një djalë. Ne nuk e dimë që Marsida ka pasur lidhje me Dritanin”, tregoi halla e 30-vjeçares.
Kavajë/ Dalin pamjet, brenda shtëpisë ku efektivi i burgjeve vrau ish-të dashurin e të afërmes
