Kronikë

Kavajë/ Dalin pamjet, brenda shtëpisë ku efektivi i burgjeve vrau ish-të dashurin e të afërmes


               Publikuar në : 11:30 - 10/10/19 Enno

Të tjera detaje dalin lidhur me ngjarjen në Kavajë, ku humbi jetën një person dhe u plagos një ish-polici.

Efektivi i cili mbeti i plagosur, Bledar Toci është arrestuar pak momente më parë së bashku me vëllain e tij. Këtij të fundit, gjatë kontrollit iu gjet në banesë një sasi e dyshuar lënde kokaine e ndarë në 7 doza. Ndërsa, mbi efektivin e lënduar rëndon akuza e vrasjes së Dritan Hoxhollit.

Toçi kishte shkuar në banesën e të afërmes, Marsida Qatja pasi kjo e fundit i kishte kërkuar ndihmë. Ajo kishte pasur një lidhje dashurie me Hoxhollin, e cila kishte përfunduar disa muaj më parë. Por, viktima nuk donte ta pranonte dhe e kërcënonte vajzën duke i thënë se nuk do ta linte të jetonte e qetë.

Në momentin që vajza dhe efektivi i burgjeve po bisedonin, Hoxholli ka hyrë në banesën e ish-të dashurës dhe ka qëlluar me armë, duke plagosur policin e burgjeve Bledar Toci.

Me pas, ky i fundit, ka nxjerrë armën e shërbimit dhe e ka qëlluar duke e lënë të vdekur në vend.

Përmes pamjeve të siguruara nga “Panorama.al”, brenda banesës dallohen njolla gjaku. Po ashtu, edhe dera e apartamentit është dëmtuar dhe çarë.

Ngjarja e rëndë ndodhi rreth orës 00:40 pas mesnate në lagjen nr. 2 të qytetit të Kavajës.

Kthehu
WhatsApp Denonco ne TT