Ngërçi politik në vend ka sjellë edhe lëvizjet në çdo anë nga ana e PD-së. Kjo forcë po luan fort me anë të përkrahësve të vetë, e ndërsa ‘asi nën mëngë’ janë mandatet, për të cilët edhe vetë nga e djathta janë të mendimit se kjo është tentativa e Bashës për të mbrojtur veten e tij.
Provat janë se PD nuk po e bën ballë për ballë qëndrimin e saj kundrejt SHBA, apo faktorëve të tjerë ndërkombëtarë, por me anë të eksponentëve të saj në rrjetet sociale dhe sulmeve jo të drejtpërdrejta.
Kjo forcë ka sulmuar politikisht faqen zyrtare të Ambasadës së SHBA, fill pas deklaratës zyrtare të tyre për t’u tërhequr nga vendimi për djegien e mandateve.
Sikundër duket edhe nga fotoja në fjalë, ky organizim ka ardhur nga koordinatorët digjital të Bashës.
Urdhri është i qartë; “duhet të komentoni në postimin e Ambasadës, në mbështetje të djegies së mandatit”.
