Duke nisur nga nesër, listës së zonave të gjelbra do t’i shtohen edhe 14 bashki në vendin tonë. Në këtë formë, qytetarët do mund të qarkullojnë lirisht pa patur nevojën e lejeve.
Ministria e Shëndetësisë bëri me dije se në këto zona lejohet qarkullimi ndërqytetas brenda zonave të gjelbërta, me automjet privat. Fasha e orarit do të jetë deri në orën 21:00. Sikundër do të lejohen të ushtrojnë veprimtarinë sipas protokolleve strikte të sigurisë, klinikat dentare, parukeritë, berberët dhe dyqanet në qendrat tregtare.
“Siç jeni në dijeni nga dita e hënë, 11 Maj do të ketë një tjetër lehtësim masash.
Nga nesër shtohen si zona të gjelbërta bashkitë: Lushnje, Patos, Roskovec, Korçë, Has, Kukës, Lezhë, Mirditë, Fushë-Arrez, Malësi e Madhe, Pukë, Vau Dejes, Kavajë dhe Vorë, me të njëjtat rregulla.
Në këto zona lejohet qarkullimi ndërqytetas brenda zonave të gjelbërta me automjet privat, duke lejuar udhëtimin e më shumë se dy personave të së njejtës familje, deri në orën 21:00.
Po kështu, lejohen të ushtrojnë veprimtarinë sipas protokolleve strikte të sigurisë, klinikat dentare, parukeri, berber dhe dyqanet në qendrat tregtare. Duke filluar nga data 11 Maj, të gjithë të riatdhesuarit do të vetëkarantinohen në banesë”.
