Aktorët më në zë dhe me influencë në politikën shqiptare duket se do të përballen më sistemin e drejtësisë. Janë ngritur padi ndaj; Gramoz Ruçit, Monika Kryemadhit, Flamur Nokës, Grida Dumës, Edi Palokës, Ervin Salianjit, Endrit Braimllarit, Kejdi Mehmetajt, Floida Kërpacit, Klevis Balliut, Gent Strazimirit, Enno Bozdos. Gjithashtu, sipas deklaratave që kanë bërë për njeri tjetrin dhe Vangjush Dako e Lulzim Basha do të përballen me drejtësinë.
Me sa duket kryeprokurorja e përkohshme, Arta Marku do të ketë goxha punë me këto denoncime ndaj politikanëve. Duhet theksuar se shumë prej denoncimeve vijnë si rrjedhojë e zgjedhjes së saj si kryeprokurore e përkohshme me 69 vota të mazhorancës. Veprim i cili solli rrëmujë dhe protesta në parlament ku u panë dhe akte të dhunshme. Çudia është se vetë politikanët denoncojnë njëri tjetrin.
Kryetari i Bashkisë së Durrësit, Vangjush Dako thotë se ka vendosur ta çojë në gjyq Lulëzim Bashën, si një shpifës profesionist që e ka kaluar cakun e tolerancës së tij.
Dako deklarata e Dakos erdhi si një reagim ndaj akuzave të kryetarit të PD-së Basha se ka prova të pakundërshtueshme që kanë kapur në flagrancë Dakon duke bashkëpunuar me grupe kriminale.
“Me Lulzim Bashën jam i gatshëm të ballafaqohem në çdo studio apo shesh publik, për të gjitha ato që ai dhe altoparlantët e tij bërtasin për mua prej vitesh tashmë!”, ka thënë Dako në profilin e tij në Facebook.
Sipas tij, këto janë përpjekje të dëshpëruara të PD që nuk mori kurrë Durrësin dhe që tani po bie në rënie të lirë gjithnjë e më poshtë.
“E vetmja gjë qe nuk bëj dot për Lulzimin dhe partinë e tij është të fitojnë Durrësin, të cilin e kanë humbur thellë dhe më thellë, duke rënë poshtë dhe më poshtë në gropën që janë munduar të më hapin mua”, ka thënë Dako.
Ndërkohë, kryetari i Partisë Demokratike, Lulzim Basha kryebashkiaku i Durrësit është kapur jo vetëm nga shërbimet inteligjente, por edhe nga partnerët ndërkombëtarë.
“Këto prova janë nën hetim nga Prokuroria e Krimeve të Rënda. Këtë fakt e di Gjushi dhe mentori i tij, Edi Rama. Për këtë arsye ata ndërhynë për të larguar prokurorin që po hetonte këtë aferë kriminale. Kjo është një nga çështjet ku gjendet edhe arsyeja e dorëheqjes së papritur të shefit të inteligjencës shqiptare. Rama po përpiqet të shpëtojë Gjushin dhe gjushët e tjerë dhe përmes presionit kriminal ka larguar prokurorin Anton Martini, që po e hetonte çështjen”, u shpreh Basha.
Më herët Partisë Demokratike ka kallëzuar në Prokurori kreun e Kuvendit, Gramoz Ruçin.
Motivi i kallëzimit është pretendimi i PD-së për “shpërdorim detyre”, për pengim të ushtrimit të detyrës dhe për ushtrim dhune ndaj deputetëve të PD-së. Bëhet fjalë për kaosin e krijuar në Kuvend 2 ditë më parë, kur u zgjodh kryeprokurorja Arta Marku mes tymueseve, ndërsa menjëherë pas kësaj, Ruçi ka ndërprerë seancën (lajmin e plotë lexoje këtu)
Gjatë ditës së djashme Policia e shtetit ka njoftuar se ka filluar procedimi penal për veprën penale të “Prishjes së rendit dhe qetësisë publike’ ndaj deputetëve; Flamur Noka, Grida Duma’ Edi Paloka. Ndërsa nën akuzën për “kundërshtimit të punonjësit që kryen një detyrë shtetërore ose një shërbim publik”, kanë filluar hetimet ndaj deputetëve; Monika Kryemadhi, Flamur Noka, Ervin Salianji, Endrit Braimllari, Kejdi Mehmetaj, Floida Kërpaci, Klevis Balliu, Gent Strazimiri (lajmin e plotë lexoje këtu)
Ndërkohë që për sekretarin organizativ të PD-së, Enno Bozdo ka nisur procedimi penal për veprën penale “organizim dhe pjesëmarrje në grumbullime dhe manifestime të paligjshme”. TIRANA TODAY
