Ministrja e Turizmit dhe Mjedisit, Mirela Kumbaro dha lajmin se Shqipëria duke nisur nga 1 maji do të liberalizojë vizat turistike me 8 vende të botës.
Kjo do t’i hap rrugë mijëra turistëve, që të vijnë të vizitojnë vendin tonë.
Mes të tjerash Kumbaro shtoi se do të lehtësohet edhe mënyra e aplikimit nga shërbimet konsullore, që kjo të realizohet sa më shpejtë.
“Morëm një vendim, ose rinjohëm një vendim që është marrë edhe vitin e kaluar për të liberalizuar vizat turistike me 8 vende. Për qëllime turistike u lehtësohet edhe sistemi online që ofrohet nga shërbimet konsullore. Nga nesër deri më 31 dhjetor. Do vijnë turistë nga India, Arabia, Katari, etj”, tha Kumbaro.
“Po kështu u diskutua detyrimi për të treguar kartën e vaksinimit kundër Covid. Kjo kërkesë për heqjen është bërë tek Komiteti i Ekspertëve. Dhe vendimi do merret në ditët në vijim. Duke filluar nga maji, të mund ta heqim si detyrim”, u shpreh Kumbaro.
